ଓଡ଼ିଶା କମ୍ପ୍ୟୁଟର ପ୍ରୟୋଗ କେନ୍ଦ୍ର

ବିଗତ କିଛି ବର୍ଷ ମଧ୍ୟରେ ଓଡ଼ିଶା ସରକାରଙ୍କ ସୂଚନା ପ୍ରଯୁକ୍ତି ବିଭାଗର ମନୋନୀତ ବୈଷୟିକ ନିର୍ଦ୍ଦେଶାଳୟ ଭାବେ ଓଡ଼ିଶା କମ୍ପ୍ୟୁଟର ପ୍ରୟୋଗ କେନ୍ଦ୍ର, ଭୁବନେଶ୍ୱର ତାଲିମ, ଆଇଟି ସଲ୍ୟୁସନ୍ ଏବଂ ଇ-ପ୍ରଶାସନ କ୍ଷେତ୍ରରେ ଏକ ଉତ୍କୃଷ୍ଟ ମାନଯୁକ୍ତ ସଂସ୍ଥାରେ ପରିଣତ ହୋଇପାରିଛି I ରାଜ୍ୟ ଭିତରେ ସୂଚନା ପ୍ରଯୁକ୍ତିର ନିରନ୍ତର ବିକାଶ କ୍ଷେତ୍ରରେ ଏହି ସଂସ୍ଥା ଉଲ୍ଲେଖନୀୟ ଭାବେ ସହାୟତା ଯୋଗାଇ ଆସିଛି I

ସୂଚନା ଓ ପ୍ରଯୁକ୍ତି ବିଦ୍ୟା କିମ୍ବା ସୂଚନା ଓ ସମ୍ପର୍କ ପ୍ରୌଦ୍ୟୋଗିକୀ ର ଓଡ଼ିଶାରେ ପ୍ରାରମ୍ଭ

ନୂତନତମ ନିବେଦନ

ତାଲିମ ଓ ଶିକ୍ଷା

ଓଡ଼ିଶା ସରକାରଙ୍କ ଇଲେକ୍‌ଟ୍ରୋନିକ୍ସ ଓ ସୂଚନା ପ୍ରଯୁକ୍ତି (E&IT) ବିଭାଗର ବୈଷୟିକ ନିର୍ଦ୍ଦେଶାଳୟ ଓଡ଼ିଶା କମ୍ପ୍ୟୁଟର ପ୍ରୟୋଗ କେନ୍ଦ୍ର (ଓକାକ୍) ହେଉଛି ରାଜ୍ୟର ଗୋଟିଏ ଅଗ୍ରଣୀ ସୂଚନା ପ୍ରଯୁକ୍ତି ପରାମର୍ଶଦାତା ଅନୁଷ୍ଠାନ । ଏହା ବିଭିନ୍ନ ସ୍ତରରେ ସମନ୍ୱିତ ତାଲିମ କର୍ଯ୍ୟକ୍ରମ ଆୟୋଜନ କରିବାର ଦାୟିତ୍ୱ ବହନ କରିଛି । ସର୍ବସାଧାରଣ ନାଗରିକ ଏବଂ ସରକାର, ନିଗମ ଏବଂ ବିଭିନ୍ନ ସଂସ୍ଥା ସମୂହର ଉଚ୍ଚ, ମଧ୍ୟମ ଓ ନିମ୍ନ ପରିଚାଳନା ନିମନ୍ତେ ଏହା ଦୀର୍ଘକାଳୀନ, ସ୍ୱଳ୍ପକାଳୀନ ଏବଂ ସ୍ୱତନ୍ତ୍ର ପାଠ୍ୟକ୍ରମ ପରିଚାଳନା କରିଥାଏ । ପ୍ରଶିକ୍ଷଣ ପ୍ରଣାଳୀରେ ବକ୍ତୃତା, ଦଳଗତ ଆଲୋଚନା, କେସ୍-ଷ୍ଟଡ଼ି, ବ୍ୟବହାରିକ ପ୍ରଦର୍ଶନ, ପ୍ରାୟୋଗିକ ତାଲିମ ପ୍ରଭୃତି ଅନ୍ତର୍ଭୁକ୍ତ ହୋଇ ରହିଛି । ତାଲିମ ସମୟରେ ଭିଡ଼ିଓ, ପିସି ପ୍ରୋଜେକ୍ଟର୍ ଏବଂ ପିଏ ଆଦି ଆଧୁନିକ ପ୍ରଶିକ୍ଷଣ ସହାୟକ ସାମଗ୍ରୀର ବ୍ୟାପକ ଉପଯୋଗ...